Google ADS

Konfirmohet lëndimi, Dybala do të mungojë rreth tri javë

17:05 | 11 Janar 2021
Arbresh.info

Andrea Pirlo nuk do të jetë në gjendje të llogarisë në Paulo Dybalan për tre javët e ardhshme, pas lëndimit që pësoi në ndeshjen ndaj Sassuolos në kuadër të javës së 17-të në Serie A.

Ky është rezultati i testimeve që iu nënshtrua sulmuesi argjentinas.

“Paulo Dybala iu nënshtrua testimeve diagnostike në J | medical që zbuloi një dëmtim të gradës së ulët të ligamentit të gjurit të majtë me kohë shërimi prej rreth 15/20 ditësh “, thuhet në një deklaratë nga klubi i Juventusit.

Ndërsa, lajme më pak shqetësuese vijnë për McKennie dhe Chiesa nga spitali i Juventusit.

“Testet të cilave u janë nënshtruar McKennie dhe Chiesa kanë përjashtuar dëmtimet dhe do të vlerësohen dita ditës”, thuhet në komunikatën e Juventusit.

Kështu, Dybala do t’i mungojë Juventusit në ndeshjet ndaj Genoas dhe derbit ndaj Interit dhe Napolit.

Shpërndaje në rrjete sociale

Lajmet më të lexuara

Të ngjashme

Foto lajm