Britania thyen rekordin ditor të të infektuarve me COVID-19

19:55 | 4 Janar 2021
L G

Britania e Madhe ka regjistruar 58,784 raste të reja me coronavirus.

Kjo është shifra më e lartë ditore ndonjëherë për rastet e regjistruara (duke mundur 57,725 të shtunën) dhe dita e shtatë me radhë që numri ditor i rasteve ka arritur mbi 50 mijë, gjë që nuk kishte ndodhur kurrë javën e kaluar, raporton theguardian.

Gjatë periudhës së pushimeve, numri i rasteve të raportuara ka ndryshuar më shumë se zakonisht ditë pas dite, por numri i rasteve të raportuara gjatë shtatë ditëve të fundit është 50 për qind më i lartë se gjatë javës së kaluar.

Trendi është i qartë; rastet po rriten shumë shpejt, edhe pse sasia e testimit që po kryhet ka ndryshuar pak gjatë dy javëve të fundit.

Mbretëria e Bashkuar ka regjistruar 407 vdekje të mëtejshme. Ky është numri më i ulët ditor që nga e hëna e kaluar (357) por, nga java në javë, vdekjet janë akoma në rritje me 21 për qind. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm