Strumicë, zjarr në Qendrën Tregtare “Global”

01:52 | 3 Janar 2021
Trina Galanxhi

Sonte pas orës 23:00 ka shpërthyer zjarr në Qendrën tregtare “Global” në Strumicë.

Zjarri ka përfshirë katër dyqane në katin përdhese dhe është përhapur në katin e parë, ndërsa zjarrfikësit me përpjekje të mëdha kanë arritur ta vendosin në kontroll dhe tani për tani nuk lejojnë të përhapet në dyqanet tjera.

Sipas dëshmitarëve, zjarri ka shpërthyer në orën 23:00 dhe shpejtë është përhapur.

“Filloi së pari nga dyqani i parë dhe shpejt u përhap. Dyqani im tërësisht është djegur dhe aty kishte mall mbi 20 mijë euro”, ka thënë pronari i dyqanit.

Në vendin e ngjarjes ka një numër të madh të qytetarëve, ndërsa më shumë automjete të policisë po e sigurojnë hapësirën rreth QT “Global” si dhe automjete të ndihmës së parë.

Tani për tani nuk dihen arsyet e shpërthimit të zjarrit ku është shkaktuar dëm i madh material./almakos/

Shpërndaje në rrjete sociale

Lajmet më të lexuara

Të ngjashme

Foto lajm