Mustafa: Suksese Osmanit, rezultatet do të tregojnë se me kënd janë qytetarët e Kosovës

15:45 | 30 Dhjetor 2020
Arbresh.info

Lideri i LDK-së, Isa Mustafa ka deklaruar sot se pas mbledhjes që patën me kryesinë e partisë është vendosur që Avdullah Hoti të jetë kandidat i kësaj partie për zgjedhjet e përgjithshme.

Mustafa tha se të gjithë janë pajtuar për kandidimin e Hotit dhe se nuk ka pasur ndonjë anëtarë të këshillit kundër.

Ai tha se sonte do t’i drejtohet edhe Këshillit të Përgjithshëm të LDK-së, pasi procedura përfundon me vendimin e këtij këshilli dhe sa i përket kandidimit për kryeministër si dhe koalicioneve të mundshme.

“Mbesim të hapur që në listën tonë mund të hyjnë përfaqësues të ndonjë subjekti tjetër politik, por vetëm me listën e LDK-së”, tha Mustafa.

Ai madje shtoi se i uron suksese Vjosa Osmanit, duke shtuar se rezultatet në fund do të tregojnë se për kënd janë qytetarët e Kosovës.

“Asnjë nuk ka kundërshtuar kandidimin e Hotit, sot s’ka pasur propozime të tjera, por kam qenë i hapur edhe më herët kam biseduar me njerëz por s’ka pasur”, tha Mustafa./Arbresh.info/

 

LAJMI I FUNDIT/Avdullah Hoti kandidat i LDK-së për kryeministër

Shpërndaje në rrjete sociale

Lajmet më të lexuara

Të ngjashme

Foto lajm