Presidenti i Republikës së Shqipërisë, Ilir Meta foli për betejat e tij të fituara dhe të “certifikuara” nga Komisioni i Venecias.
Meta u shpreh se vetë përfshirja kaq intensive e Komisionit të Venecias tregojnë problemet e mëdha të demokracisë në Shqipëri.
“Natyrisht nuk mund të ndihem mirë sepse të gjitha ngjarje që ju evidentuat dhe vetë përfshirja kaq intensive e Komisionit të Venecias tregojnë problemet e mëdha të demokracisë në vendin tonë, të mosfunksionimit të shtetit të së drejtës, të mungesës të disa prej institucioneve më të rëndësishme që garantojnë shtetin e së drejtës sikurse është Gjykata Kushtetuese dhe jo vetëm.
Të gjitha këto tregojnë një revansh ekstrem të qeverisë për të kapur të gjitha institucionet, përfshirë edhe Gjykatën Kushtetuese, por natyrisht flasim edhe për një ballafaqim dhe ajo që më ka gëzuar gjatë këtij viti është ndërgjegjësim gjithmonë e më i lartë i qytetarëve për të qenë më aktivë në mbrojtjen e kushtetutës, në mbrojtje të të drejtave të tyre dhe sigurisht vendosmëria e qytetarëve për ti rifituar ato të drejta të cilat ata sot i gëzojnë vetëm në Kushtetutë, vetëm në letër dhe jo në jetën e përditshme për shkak të këtij fenomeni, të kapjes së shtetit në përgjithësi.
Jam me shpresë të madhe se 2021 do të sjellë një progres pozitiv për vendin dhe afatgjatë. Dhe mundësinë e parë do e sjellin vetë zgjedhjet e 25 prillit“, u shpreh Meta në një intervistë përmes Skype për emisionin “Tempora” në RTV Ora.
Sahin deklarohet para ndeshjes me Realin, flet edhe për fant...
Maqedonci: Nuk do të lejojë që dikush tjetër pos meje të jet...
Neymar rikthehet në fushën e blertë pas 370 ditësh
Rama fton të rinjtë “kurajozë” në PS: Politika, ...
Mustafa: LDK-ja do të jetë në qeverinë e ardhshme vetëm nëse...
SHBA, ndihmë e re ushtarake prej 400 milionë dollarësh për U...