Google ADS

Vaksinat në veri, Jakupi: Çdo procedurë që përfshin produktet medicinale pa leje nga AKPPM, shkelje e ligjeve

22:05 | 25 Dhjetor 2020
Arbresh.info

Kryetari i Odës së Farmacistëve të Kosovës, Arianit Jakupi, ka reaguar pasi vaksina kundër COVID-19 janë dërguar në veri të vendit nga Ministria e Shëndetësisë së Serbisë.

Jakupi ka thënë se vaksinat konsiderohen produkte medicinale dhe si të tilla i nënshtrohen autorizimit për marketing – regjsitrimit në AKPPM.

Ai ka thënë po ashtu se pas regjistrimit për çdo import duhet të merret leja për import e cila gjithashtu merret nga AKPPM.

“Sa i përket furnizimit të qyteteve në veri nuk ka ndonjë dallim me qytetet tjera, me gjithë tendencën dhe kërkesat përgjatë viteve, por kjo çështje ligjërisht ka përfunduar në Bruksel në vitin 2014 dhe këto procedura vlejnë për tërë territorin e Republikës së Kosovës dhe për të gjitha produktet medicinale nga cilido prodhues qofshin”.

“Çdo procedurë që përfshin produktet medicinale pa marrë leje nga AKPPM është shkelje e ligjeve të Republikës së Kosovës dhe gjithashtu shkelje e marëveshjes së Brukselit”./Arbresh.info/

 

 

Fillon vaksinimi kundër COVID-19 në veri të Kosovës

Shpërndaje në rrjete sociale

Lajmet më të lexuara

Të ngjashme

Foto lajm