Kryetari i Asamblesë së Madhe Kombëtare të Turqisë (TBMM), Mustafa Şentop së bashku me një delegacion parlamentar, më 21 dhe 22 dhjetor do të zhvillojë vizitë zyrtare në Republikën e Maqedonisë së Veriut.
Şentop në kuadër të vizitës do të takohet me presidentin e Maqedonisë së Veriut, Stevo Pendarovski, kryeministrin Zoran Zaev, kryetarin e Kuvendit, Talat Xhaferi dhe kryetarin e Gjykatës Kushtetuese të Maqedonisë së Veriut, Salih Murat.
Ai gjithashtu do të marrë pjesë edhe në festimin që do të organizohet me rastin e 21 Dhjetorit, Ditës së mësimit të gjuhës turke në vend, gjatë së cilës ai do të mbajë fjalim.
Në kuadër të kësaj, Şentop do të marrë pjesë në hapjen e ekspozitës me titull “Aventura Historike e Shigjetarisë Turke” të organizuar nga Instituti Yunus Emre dhe Fondacioni i Shigjetarëve, ndërsa do të vizitojë Universitetin Ndërkombëtar Ballkanik (IBU) në Shkup, ku do të takohet me të rinjtë.
Në ditën e fundit të vizitës së tij, 22 dhjetor, Şentop do të vizitojë shkollat e Fondacionit Turk Maarif në vend.
Gjatë vizitës, Şentop do të shoqërohet nga zëvendës ministri i Kulturës dhe Turizmit të Turqisë, Nadir Alpaslan, nënkryetari i grupit parlamentar të AK Partisë, Ozlem Zengin; kryetari i grupit Ndërparlamentar të Miqësisë së Turqisë – Maqedonia e Veriut dhe deputeti i AK Partisë nga Bursa, Ahmet Kiliç; deputeti i AK Partisë në Qutahya, Ishak Gazel; deputetja e Partisë Republikane Popullore (CHP) me qendër në Stamboll, Sibel Ozdemir; deputeti i Partisë së Lëvizjes Kombëtare (MHP) Hasan Kalyoncu dhe deputeti i Partisë IYI, Yasin Ozturk./AA/
Vikendi me diell, temperaturat shkojnë deri në 22 gradë Cels...
Bjellorusia e ndërpret ndërtimin e kampit ushtarak afër kufi...
Gjermania kërkon kontrolle shtesë për emigrantët
Problemet me gjumin tek personat që vuajnë nga artriti, ja d...
Mbi 29 000 emigrantë kanë kaluar La Manshin këtë vit
Hakerat kinezë synuan të marrin të dhëna nga telefonat e Don...