Kryetari i Komunës së Podujevës, Shpejtim Bulliqi, ka bërë të ditur se sot atë e ka vizituar Albin Kurti, kryetari Lëvizjes Vetëvendosje.
Bulliqi me anë të një postimi në rrjetin social Facebook ka deklaruar se e ka njoftuar Kurtin për vendimet e para që i ka marrë në këtë komunë si kryetar i sapo zgjedhur.
“Sot në zyrën time ishte për vizitë kryetari i Lëvizjes VETËVENDOSJE, z. Albin Kurti. Zotit Kurti i urova mirëseardhje dhe njëkohësisht e falënderova për mbështetjen e dhënë gjatë gjithë kësaj kohe. Kryetarin Kurti, e njoftova rreth situatës me pandeminë në komunën tonë dhe masat e menjëhershme që kemi ndërmarrë për të shtuar kapacitetet për trajtimin e pacientëve të infektuar”, ka shkruar Bulliqi.
“Temë e bisedës ishin edhe vendimet e para që kemi marrë si qeverisje e re komunale dhe vendimet e ardhshme që janë në planin tonë për të mundësuar shërbime më të mira për qytetarë tanë. Kryetari Kurti na uroi për fillimin e punës dhe shprehu mbështetjen e tij të plotë për punët e mira që do të bëhen në qytetin tonë”.
Sot në zyrën time ishte për vizitë kryetari i Lëvizjes VETËVENDOSJE, z. Albin Kurti. Zotit Kurti i urova mirëseardhje…
Posted by Shpejtim Bulliqi on Thursday, 17 December 2020
Policia shqiptoi 1 mijë e 807 gjoba trafiku brenda 24 orëve
Një arkatare e një marketi në Prishtinë raporton 200 euro të...
Arrestohen dy persona në Prishtinë, dyshohet se sulmuan një ...
Arrestohet punëtorja e një kompanie të sigurimit në Prishtin...
Babai në Viti e lajmëron të zhdukur vajzën e tij të mitur
Rama ndan albumin e fotografive nga Java e Kombeve të Bashku...