Muriç është “gozhduar” në bankën e rezervistëve, mediet shkruajnë se ai nuk i ka arritur pritshmëritë

17:30 | 17 Dhjetor 2020
Arbresh.info

“Gardiani” i Përfaqësueses së Kosovës, Arijanet Muriç, në verën e këtij viti u huazua nga Manchester City te skuadra spanjolle Girona, e cila garon në Ligën e Dytë të Spanjës.

Shqiptari 22-vjeçar nga Mali i Zi nuk po arrin që të përshtatet në klubin e ri derisa është paraqitur vetëm në dy ndeshje zyrtare në këtë edicion.

Te Girona që është në pronësi të pronarëve të Cityt, krahas Muriçit janë huazuar edhe Yan Couto dhe sulmuesit Nahuel Bustos dhe Pablo Moreno.

Gazeta spanjolle “Sport.Witness” shkruan se lojtarët në fjalë nuk i kanë arritur pritshmëritë.

Ky ekip pas javës së 18-të ndodhet në pozitën e shtatë me 28 pikë të mbledhura.

Muriç nuk e gjeti veten as në edicionin e kaluar te Nottingham Forest në Ligën e Dytë Angleze ku regjistroi vetëm katër paraqitje.

Shpërndaje në rrjete sociale

Lajmet më të lexuara

Të ngjashme

Foto lajm