Presidenti Meta dekreton ministrat Çuçi e Ekonomi

11:58 | 17 Dhjetor 2020
A. B.

Presidenti i Shqipërisë, Ilir Meta, nuk ka vonuar veprimet proceduriale dhe ka dekretuar Bledi Çuçin ministër të Brendshëm dhe Milva Ekonomin ministre të Bujqësisë.

Në të njëjtën kohë, Meta e ka miratuar shkarkimin e Sandër Lleshajt nga e ministrit të Brendshëm.

Kryeministri Edi Rama e emëroi Bledi Çuçin për pozitën e ministrit të Brendshëm, pas dorëheqjes së Sandër Lleshaj nga kjo pozitë.

Në vend të Çuçit, për minister të Bujqëesisë, ai e emëroi Milva Ekonimin.

Ndryshimet në kabinetin qeveritar të Ranës erdhën pas protestave që nxiti vrasja e 25 vjeçarit Klodian Rasha, nga një efektiv i Policisë së Shtetit. Protestuesit kërkuan dorëheqjen e Lleshajt e të drejtorit të përgjithshëm të policisë, Ardi Veliu, por edhe të kryeministrit Rama.

Lleshaj tha se dorëhqja e tij është akt moral dhe jo pasojë e përgjegjësisë lidhur me aktin tragjik të vrasjes së Klodian Rashës.

Shpërndaje në rrjete sociale

Lajmet më të lexuara

Të ngjashme

Foto lajm