Ditën e sotme, dizajnieri i famshëm shqiptar, Iliaz Iliazi në lidhje me Skype ishte i ftuar në “Ftesë në 5” me Bieta Sulon, nga ku foli për dizajnimin e çizmeve të famshme të Rita Orës për 28 Nëntor, gjithashtu edhe një familje shqiptare e cila ka marrë të njëjtat këpucë.

Ai tha se kërkesa e bërjes së çizmeve ishte e tij dhe se çizmet janë bërë vitin e kaluar, por vetëm për 30 vjetorin e saj arriti ti merrte për shkak të pandemisë.

“Unë kam shkuar në Angli në vitin 1998 dhe unë në 2004 vazhdova biznesin tim. Jam nga kukësi dhe pas 2004 fillova duke punuar me Natasha Marron dhe dizajneret e tjera. Kërkesa ishte e imja dhe në 2017 pashë babain e Ritës dhe mamanë dhe më lindi idea që t’i bëj një palë Rita Orës dhe kontaktova me të ëmën e saj dhe ja mora numrin e Këmbës së Ritës dhe është numër 39, dhe kështu më lindi ideja dhe kur ja dërgova një italiani shqiponjën më tha se nuk e bënte dot, dhe fillova duke e bërë me dorë, e cila e ka vlerën të madhe. Unë ja kam bërë vjet, por iku në Shqipëri për tërmetin dhe pastaj vazhdoi covid dhe u realizua këtë vit ku kishte 300 vjetorin. Kur ja dërgova babait të saj edhe motra e saj Helena kërkoi t’i kishte dhe ja bëra. Kam bërë 5-6 palë kështu. Unë e njoh nmga afër ambasadorin shqiptar dhe thotë se çdo shqiptar është një ambasador kudo që të jetë, me bëmat tona ne tregojmë veten tonë dhe unë kam pasur të bëj me shumë dizjnier dhe nuk më besonte njeri që jam shqiptar”, tha Iliazi.

Në lidhje me Skype ishin edhe Kreshniku me vajzat e tij Antia dhe Chloe, të cilët folën për dhuratën e këpucave me shqiponjë.

“Dëgjuam se këpucët do i dërgoheshin Rita Orës dhe vajzat e pëlqyen shumë dhe i bënë disa komente të bukura, duke shkruajtur se e njihnin atë person dhe bashkëshortja e Iliazit i tha Ritës që të na i bënte dhuratë dhe unë e falenderoj jo vetëm për dhuratën por është shqiponja që na bën të ndihemi krenar nga vendi ku jetojmë, pra gjesti i Ritës ishte me vlera patriortike tek ne”, tha Kreshniku.