Pozicioni i gjumit çdo natë mund të ndikojë në gjithçka, nga frymëmarrja në sjellje, dhe madje edhe në cilësinë e gjumit. Një nga qëllimet kryesore kur shtriheni natën duhet të jetë ruajtja e pozicionit të saktë të qafës dhe shpinës, por për njerëzit që gërhijnë, lehtësimi i gërhitjes është gjithashtu një përparësi e lartë.

Sidoqoftë, ekziston një pozicion që duhet të shmangni nëse gërhitja ju shqetëson ju ose partnerin tuaj, transmeton portal arbresh.info

Sipas psikiatrës dhe ekspertes të gjumit Nisha Bopal, gjumi në shpinë shkakton gërhitjen. Arsyeja është se kur shtriheni në shpinë, gjuha relaksohet në pjesën e prapme të fytit tuaj, duke krijuar dridhje (tingulli i gërhitës që dëgjoni). Për fat të mirë, ekzistojnë disa zgjidhje të thjeshta nëse doni të ndaloni gërhitjen.

Gratë humbin 3 orë gjumë çdo natë, fajtorë meshkujt

Për të shmangur gërhitjen mënyra më e mirë që të fleni është në krah, ndërsa nëse fleni në bark, mund të shmangni gërhitjen, por edhe mund të shkaktoni dhimbje të qafës.

Përveç vetë pozicionit të gjumit, që është ndoshta arsyeja më e madhe për tu mbajtur në mend, disa mënyra të tjera për të lehtësuar gërhitjen përfshijnë shmangien e ushqimeve që shkaktojnë inflamacion, si dhe shmangien e ngrënies dhe pirjes së alkoolit para gjumit. Të gjitha këto gjëra mund të kontribuojnë në gulçim, shkruan MindBodyGreen.

Para se të shkoni në shtrat, gjithashtu mund të avulloni fytyrën, të vendosni një fashë hunde ose të përdorni një lagështues për të hapur rrugët e frymëmarrjes. Një ritual tjetër para gjumit për t’u marrë në konsideratë është përdorimi i suplementeve të gjumit, siç është magnezi, që ndihmon në cilësinë e gjumit.

Dhe sigurisht, qëndroni të hidratuar, sepse edhe kjo mund të jetë shkaku i gërhitjes./arbresh.info/