Google ADS

Delegacioni i BE për protestat në Shqipëri: Zero tolerancë për kanosjet dhe kërcënimet ndaj medias

18:10 | 14 Dhjetor 2020
Arbresh.info

Delegacioni i Bashkimit Evropian në Tiranë ka reaguar për shoqërimin e dy gazetarëve gjatë protestës për të riun që u vra Klodian Rasha.

Në një njoftim në rrjetet sociale, BE përsërit se duhet të ketë zero tolerancë për kanosjet dhe kërcënimet ndaj medias.

“BE përsërit se duhet të ketë zero tolerancë për kanosjet dhe kërcënimet ndaj medias. Është thelbësore që gazetarët në Shqipëri të jenë në gjendje të bëjnë punën e tyre pa asnjë kërcënim dhune, ngacmimi dhe frikësimi, në mënyrë që qytetarët të kenë qasje në gjithë informacionin”, thuhet në njoftim.

Më herët, Komisioni Evropian ka reaguar duke dënuar shoqërimin e gazetarëve në komisariat nga policia pas protestave të zhvilluara në Tiranë. Zëdhënësja e Komisionit Evropian, Ana Pisonero-Hernandez i kujtoI Shqipërisë paketën e zgjerimit.

Në protestat e zhvilluara në Tiranë u shoqëruan dy gazetarë Xhoi Malësia dhe Qamil Xhani, ndërsa disa orë më pas u lanë të lirë./abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm