Google ADS

Mbi 500 persona shërohen nga COVID-19 në Kosovë

15:22 | 13 Dhjetor 2020
Arbresh.info

Brenda 24 orëve të fundit janë shëruar 536 persona nga COVID-19 në Kosovë, shkruan arbresh.info

Gjatë kësaj kohe janë raportuar edhe 462 raste të reja me këtë virus, kësisoj edhe ka pasur më shumë të shëruar se të infektuar me COVID-19.

Një gjë e tillë është bërë e ditur nga Instituti Kombëtar i Shëndetit Publik.

“Gjatë 24 orëve të fundit, në Laboratorin e Mikrobiologjisë Molekulare në IKShPK me metodën RT-PCR, janë testuar gjithsej 1.314 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 462 raste pozitive”, është thënë nga IKSHPK.

Gjatë 24 orëve të fundit, janë shëruar 536 pacientë derisa numri i përgjithshëm i të shëruarve deri më sot është gjithsej 33.600 raste, kurse numri i rasteve aktive është 11.782.

Numri total i rasteve pozitive është 46.580 raste nga 163.221 persona të dyshimtë në virusin SARS-CoV-2 dhe 1.198 raste të vdekjes.

Shpërndaje në rrjete sociale

Lajmet më të lexuara

Të ngjashme

Foto lajm