Mbrojti interesat e Kosovës në OKB, Susan Ricen pjesë e kabinetit të Biden

08:08 | 11 Dhjetor 2020
V. S.

Presidenti i zgjedhur i SHBA-së, Joe Biden njoftoi emërimet e reja për kabinetin e ardhshëm, duke përfshirë Susan Ricen, e cila do të jetë këshilltare për politikën e brendshme në Shtëpinë e Bardhë.

Susan Rice, 56-vjecarja afrikano-amerikane dhe ish-këshilltare e Sigurisë Kombëtare gjatë presidencës së Barack Obamas, është një nga zyrtaret më me përvojë të qeverisë në Shtetet e Bashkuara dhe ka aftësitë për të qenë në qeverinë federale, raporton TCh.

Rice, e cila ishte gjithashtu ambasadore në Kombet e Bashkuara, disa herë ka mbrojtur interesat e Kosovës gjatë seancave dëgjimore të Këshillit të Sigurimit.

Biden gjithashtu emëroi, Tom Vilsack si Ministër të Bujqësisë, një pozicion që 69-vjeçari mbajti gjatë presidencës së Obamës.

Presidenti i sapozgjedhur deklaroi në shpjegimin e emërimit se këta njerëz do të “sjellin nivelin më të lartë të përvojës, dhembshurisë dhe integritetit” për të zgjidhur problemet me të cilat përballen amerikanët.

Shpërndaje në rrjete sociale

Lajmet më të lexuara

Të ngjashme

Foto lajm