Infektologu më i njohur në SHBA, Dr. Anthony Fauci, ka paralajmëruar një rritje tjetër të rasteve me COVID-19 pas Krishtlindjeve – derisa Amerika akoma po merret me rastet që u regjistruan pas Ditës së Falënderimeve.
Fauci ka thënë se periudha pas Krishtilindjeve dhe Vitit të Ri do të jetë një sfidë akoma më e madhe sesa Dita e Falënderimeve.
Dr. Fauci, që i është kërkuar nga presidenti i zgjedhur Joe Biden të jetë këshilltari kryesor për COVID-19, i ka thënë CNN-it se shqetësimet e tij për Festën e Krishtlindjeve janë të njëjta sikur ato për Festën e Falënderimeve “vetëm se edhe më të mëdha, sepse është festë që zgjat më shumë”.
Ai ka thënë se askush nuk dëshiron që ta anulojë sezonën e festave, por “jemi në një kohë kritike”, transmeton Klan Kosova.
SHBA-ja po përjeton rritje të rasteve të reja me COVID-19 në një shifër mesatare ditore prej 200,000, derisa numri i të hospitalizuarve ka arritur rekord.
California është futur në bllokim të ri të rreptë, derisa shtetet e tjera amerikane janë duke regjistruar rritje rekorde të infeksioneve të reja.
SHBA-ja ka regjistruar më shumë se 14,7 milionë raste dhe 282,500 vdekje që nga fillimi i pandemisë deri më tani, të dyja shifrat më të larta globale sipas Universitetit “Johns Hopkins”.
Presidenti Donald Trump është akuzuar se ka minimizuar rëndësinë e masave mbrojtëse, si mbajtja e maskës, por shtetet në Amerikë kanë pasë qasje të ndryshme në përballjen me virusin.
Një shpjegim i thjeshtë përse zemra nuk preket nga kanceri
Zbardhet lista e Anglisë për ndeshjet e tetorit
Kurti për AP: Fitorja e Rusisë në Ukrainë do të rrezikonte p...
Të paktën 14 të vrarë në një sulm izraelit në Bregun Perëndi...
Kurti në Poloni: E ardhmja e vendit tim është në BE dhe NATO
Pako me duhan pa banderola gjenden në Viti, sekuestrohen nga...