Demonstruesit organizuan protesta në Sheshin Paris pranë rezidencës së Netanyahut në Kudsin Perëndimor.
Të paktën 27 persona u arrestuan në demonstrata kundër kryeministrit izraelit Benjamin Netanyahu, thanë zyrtarët të shtunën.
Policia tha se protestat u mbajtën në Sheshin Paris pranë rezidencës së Netanyahut në Kudsin Perëndimor, duke shkatuar mbylljen e rrugëve dhe trazira publike.
Protestuesit organizuan tubime në pjesë të ndryshme të vendit, veçanërisht në Kuds dhe Tel Aviv, duke kërkuar dorëheqjen e Netanyahut për shkak të akuzave të korrupsionit kundër tij dhe dështimit në menaxhimin e pandemisë së koronavirusit, thanë mediat.
Mijëra veta demonstruan në Kuds, kurse policia ndërhyri herë pas here ndaj protestuesve.
Një protestues 82-vjeçar në Tel Aviv vdiq pasi u përplas nga një makinë gjatë tubimit.
Viktima, Dror Soffer, ishte babai i Drejtores Ekzekutive të Facebook-ut për Izrael, Adi Soffer-Teeni, theksohet në raportimet e mediave.
Netanyahu po përballet me akuza korrupsioni për ryshfet, rrënim të besimit dhe mashtrim.
Ai ka mohuar të gjitha keqbërjet dhe ka formuar qeverinë e unitetit kombëtar me udhëheqësin e partisë Blu dhe Bardhë Benny Gantz në prill./AA/
Mbyllen ndeshjet e xhiros së parë: Kjo është gjendja tabelar...
Gjermania shton masat e sigurisë për festivalin e birrës dhe...
Kurti: Anëtarësimi i Kosovës në BE objektiv i qartë, koha që...
Shqipëri/ Dorëhiqet gjyqtarja e Gjykatës Kushtetuese, Elsa T...
Njihuni me shkaktarët e zakonshëm që ju bëjnë të shtoni pesh...
Hansi Flick debuton me humbje në Ligën e Kampionëve, Barça m...