Zbulohet destinacioni i ardhshëm i Messit, ja në cilin ekip?

11:35 | 4 Dhjetor 2020
Arbresh.info

Lionel Messi mund të jetë lojtar i Paris Saint-Germain sezonin e ardhshëm. Informacioni dukej tërësisht surrealist disa muaj më parë, por ai ka marrë hov ditët e fundit, pas deklaratës së Neymar. Për mikrofonat e “ESPN”, braziliani kishte deklaruar: “Dua të luaj sërish me të (Messi), kjo është e sigurt. Ne duhet ta sjellim Leo-n vitin e ardhshëm “. Një deklaratë që i vuri “flakën” rrjeteve sociale dhe mediave, edhe pse disa nuk i kushtuan rëndësi.

Për ta përforcuar deklaratën e sulmuesit brazilian, mendon gazetari, Daniel Riolo, i cili siguroi disa minuta më parë në mikrofonat e “RMC Sport”, se Lionel Messi do të shkonte te PSG verën e ardhshme.

“Messi do të jetë pjesë e PSG-së vitin e ardhshëm, jam shumë serioz në këtë që po them,” këmbënguli ai, duke theksuar faktin se parisienët janë aktualisht i vetmi klub në gjendje të paguajë pagën e gjashtë herë fituesit të “Topit të Artë”.

Shpërndaje në rrjete sociale

Lajmet më të lexuara

Të ngjashme

Foto lajm