Shërbimi Korrektues i Kosovës në vazhdën e luftimit të dukurive negative brenda institucioneve korrektuese, sot rreth orës 11:40 në bazë të informacioneve paraprake ka arritur të parandalonte futjen e substancës së dyshuar narkotike në Qendrën e Paraburgimit Prishtinë.
Me të pranuar informatat se një zyrtar korrektues dyshohet për shpërndarje të lëndeve të dyshuara narkotike brenda Qendrës së Paraburgimit Prishtinë, menjëherë janë ndërmarrë veprimet e nevojshme nga stafi përgjegjës i sigurisë, i cili ka lokalizuar vendin, provat materiale dhe zyrtarin e dyshuar.
Lidhur me rastin janë njoftuar Njësiti antidrogë i Policisë së Kosovës, i cili ka dalë në vendin e ngjarjes, i dyshuari është arrestuar dhe është shoqëruar në stacionin e policisë për intervistim. Po ashtu, policia ka konfiskuar substancën e dyshuar narkotike për ekzaminim të mëtejmë.
Ndaj zyrtarit korrektues të dyshuar është marrë masa e suspendimit nga puna dhe me njëherë është iniciuar procedura e brendshme disiplinore.
Shërbimi Korrektues i Kosovës mbetet i përkushtuar në luftimin e dukurive negative, ku hyjnë luftimi i kontrabandës, substancave narkotike, korrupsionit dhe keqpërdorimit të pozitës zyrtare dhe nuk do të lejojë në asnjë mënyrë rrezikim e institucioneve korrektuese nga dukuritë dhe veprimet e tilla.
Kryeministri britanik: Vaksina kundër obezitetit ndihmon eko...
Kapiteni i klubit “Bashkimi”, Altin Morina: Luftojmë për çdo...
Policia në rajonin e Mitrovicës së jugut po realizon fushatë...
Balluku: Së shpejti nis ndërtimi i stacioneve të hekurudhës ...
Këshilltari i Kurtit: Jo zbatim të pjesshëm të marrëveshjes,...
Sulmohet fizikisht një person para Gjykatës Themelore në Pej...