Netflix sjell një version ndryshe të ‘La Casa de Papel’

01:03 | 2 Dhjetor 2020
Trina Galanxhi

Netflix do të sjellë një version të ri të “La Casa de Papel” (Money Heist), një prej serialeve hit të platformës.

Shfaqja spanjolle, produksioni i të cilës po merret me sezonin e katër, do të ketë një version korean. Si producent ekzekutiv i versionit korean do të shërbejë po Alex Pina, krijuesi i “La Casa de Papel”.

Versioni i ri do të ketë si regjisor Kim-Hong-sun, i njohur për punën e tij me prodhimet e zhanrit fantazi dhe krim, ndërsa skenari do t’i besohet Ryu Yong-jae.

“Krijuesit koreanë kanë zhvilluar gjuhën e tyre dhe kulturën audiovizive për vite me rradhë,” tha Pina. “Ata kanë arritur, si serialet tona, të tejkalojnë kufijtë kulturorë dhe të bëhen një pikë referimi për mijëra shikues në të gjithë botën, veçanërisht midis të rinjve. Prandaj më duket interesante që bota e ‘La Casa de Papel’ është aq tërheqëse për krijuesit koreanë sa të bëhet një përshtatje.”

 

Shpërndaje në rrjete sociale

Lajmet më të lexuara

Të ngjashme

Foto lajm