Google ADS

Arsenali e nxjerr Pepen në shitje

11:49 | 29 Nëntor 2020
Arbresh.info

Arsenali duket se e ka humbur durimin me anësorin Nicolas Pepe, të cilin është i gatshëm ta shesë në janar.

Klubi nga Londra veriore ka vendosur ta nxjerrë në shitje Nicolas Pepen, sipas Daily Star, transmeton Gazeta Express.

Drejtuesit e Arsenalit besojnë se paguan shumë për përfaqësuesin e Bregut të Fildishtë dhe ai nuk e ka arsyetuar çmimin deri më tani.

Pepe nuk ia ka dalë të lërë gjurmë në Premierligë e aq më pak ta bindë trajnerin Mikel Arteta për një vendi titullari, pavarësisht bujës dhe çmimit të lartë që Arsenali e pagoi për të.

Ai nuk do të shitet për një çmim të lirë, megjithatë. Por Arsenali është i gatshëm ta huazojë atë në cilindo klub që pranon detyrimin për blerjen e tij. /Gazeta Express/

 

Shpërndaje në rrjete sociale

Lajmet më të lexuara

Të ngjashme

Foto lajm