Ministri Zemaj diskuton me Ambasadorin austriak Weidinger për situatën rreth Covid-19

16:21 | 26 Nëntor 2020
L G

Ministri i Shëndetësisë Armend Zemaj priti sot në takim Ambasadorin e Austrisë në Kosovë,  Christoph Weidinger, me të cilin kanë këmbyer informata për të dy shtetet sa i përket situatës epidemiologjike lidhur me COVID-19, me theks të posaçëm rreth angazhimeve të Qeverisë dhe Ministrisë së Shëndetësisë për menaxhimin e kësaj situate.

Ministri Zemaj tha se “Austria është shtet mik i Kosovës që në çdo kohë dhe sfidë është gjendur pranë, sikurse edhe tash në kohë të pandemisë, me ndihmë e përkrahje të pa rezervë”, raporton arbresh.info.

Ai falënderoi Ambasadorin për përkrahjen dhe partneritetin e ofruar, duke ritheksuar se mirëpret bashkëpunimin dhe partneritetin e mëtejmë të Austrisë dhe të Ambasadorit,  Weidinger.

“Kosova dhe populli i saj janë të bekuar me gatishmërinë që kanë popujt dhe shtetet mike për të na ndihmuar në këtë kohë të vështirë”, tha ministri Zemaj./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm