Miliona amerikanë planifikojnë të udhëtojnë,pavarësisht pandemisë

11:30 | 24 Nëntor 2020
Trina Galanxhi

Rreth një milion amerikanë udhëtuan çdo ditë me aeroplan gjatë fundjavës së kaluar, megjithë thirrjet dhe lutjet e ekspertëve të shëndetit për të shmangur tubimet dhe udhëtimet për festat e fundvitit.

Ekspertët kanë ngritur edhe njëherë shqetësimin e tyre për udhëtimet dhe tubimet gjatë festave, pasi numri i të të infektuave dhe personave që po humbasin jetën për shkak të Covid-19 është i madh, transmeton portal arbresh.info

Parashikimet paralajmërojnë se gjatë sezonit të festave, turmat nuk do të ulen dhe trafiku më i madh i pasagjerëve pritet të shënojë rritje.

Raporti i AP tregon se këtë vit numri i udhëtarëve do të jetë dy herë më i vogël se gjatë sezonit të festave të vitit të kaluar.

Sidoqoftë, rreth tre milion pasagjerë, aq sa ishin regjistruar gjatë fundjavës së kaluar, kanë krijuar turmat më të mëdha që nga mesi i marsit kur Shtetet e Bashkuara u goditën nga epidemia e koronavirusit./arbresh.info/

 

Shpërndaje në rrjete sociale

Lajmet më të lexuara

Të ngjashme

Foto lajm