Dita e shtunë parashikohet të ketë mot kryesisht të vranët e intervale të shkurtra me diell. Reshje shiu me intensitet të ulët në zonat malore dhe në jug të Shqipërisë.
Në verilindje dhe juglindje në lartësinë mbi 1000 metra reshje të herëpashershme në formën e dëbores me intensitet të ulët, të cilat do të mbeten prezente deri në orët e mëngjesit të ditës së diel. Mjegulla e dendur do të jetë prezente në orët e para të mëngjesit përgjatë luginave.
Era do të jetë nga kuadrati i veriut me shpejtësi mesatare 1-6m/sek, e cila hera-herës në veriperëndim dhe përgjatë zonave luginore në veri ( kryesisht në qarqet Shkodër, Kukës, Lezhë) erë e vrullëshme 15-20m/sek. Deti i forcës 1-4 ballë.
Skip to content
