Fitorja e ngushtë e presidentit  të zgjedhur amerikan Joe Biden në Georgia është certifikuar edhe zyrtarisht nga Sekretari i Shteti Republikan Brad Raffensperger.

Kjo vjen ndërsa përpjekjet ligjore nga aleatët e Donald Trump për të sfiduar humbjen e tij u hodhën poshtë në tre shtete të tjera, transmeton portali arbresh.info

Demokrati mundi rivalin e tij Republikan në Georgia me 12,284 vota, sipas kontrollit të kërkuar nga ligji i shtetit.

Raffensperger të premten tha se ishte i zhgënjyer që partia e tij humbi, por që “numrat nuk gënjejnë”.

Biden është vendosur të marrë detyrën në janar si presidenti i 46-të i SHBA.

Marzhi i fitores së Biden në votimet e publikut në përgjithësi qëndron në më shumë se 5.9 milion. Fitorja e tij në sistemin e Kolegjit Zgjedhor të SHBA, i cili përcakton se kush bëhet president, parashikohet të jetë 306 me 232 – shumë më shumë se 270 që i duhen për të fituar.

Trump deri më tani ka refuzuar të pranojë dhe ka bërë akuza për mashtrim të gjerë zgjedhor, pa siguruar ndonjë provë./arbresh.info/