Shkencëtarët kanë dhënë prova të tjera që tregojnë se mbajtja e maskës nuk e ul nivelin e oksigjenit, edhe nëse jeni në mes të një stërvitjeje të vështirë.

Edhe pse mund të djersiteni dhe të mbani erë të pakëndshme, mbajtja e maskës nuk ndikon në mushkëri ose në thithjen e oksigjenit në ndonjë mënyrë kuptimplotë për njerëzit e shëndetshëm, sipas hulumtimit të ri të botuar në Annals of the American Thoracic Society, transmeton portal arbresh.info

Disa njerëz janë ankuar në internet ose te mjekët e tyre se kanë telashe me frymarrje kur bartin maskë, por studimi zbuloi se e gjithë kjo varet nga perceptimi që kanë ata për masat e mbrojtjes.

Studiuesit nga disa universitete shqyrtuan më shumë se 70 studime të botuara në lidhje me efektet e maskave të ndryshme në frymëmarrje gjatë aktivitetit fizik.

Ata nuk gjetën asnjë provë që maskat e përbëra nga rrobat ose ato kirurgjikale prishin ndjeshëm funksionin e mushkërive të një personi ose ulin nivelet e oksigjenit, madje edhe gjatë ushtrimeve. Për më tepër, ka raste të dokumentuara të njerëzve që zakonisht mbajnë maska për ushtrime me intensitet të lartë pa ndonjë efekt të dukshëm të sëmundjes, për shembull, atletët që stërviten me maska lartësie, të cilat janë krijuar posaçërisht për të stresuar sistemin e frymëmarrjes, janë ende të sigurta për t’u përdorur.

“Mund të ketë një përpjekje më të madhe të perceptuar për aktivitetin, por efektet e mbajtjes së një maske në punën e frymëmarrjes, në gazra si oksigjeni dhe CO2 në gjak ose parametra të tjerë fiziologjikë janë të vogla, shpesh shumë të vogla për t’u zbuluar”, Dr. Susan Hopkins, autore e studimit.

Studiuesit pranuan se shumë njerëz e perceptojnë frymëmarrjen si më të vështirë ndërsa mbajnë një maskë, por thanë se në të vërtetë nuk është asgjë tjetër veçse një ndjenjë.

“Veshja e një maske në fytyrë mund të jetë e pakëndshme”, tha Hopkins. “Mund të ketë rritje të vogla të rezistencës së frymëmarrjes. Ju mund të thithni ajër më të ngrohtë, pak të pasuruar me CO2. Dhe nëse jeni duke ushtruar, maska mund të bëjë që fytyra juaj të nxehet dhe të djersitet. Por këto janë perceptime shqisore”, tha ajo.

Ky studim mund të jetë një shtysë e mirë për të gjithë ata që ushtrojnë, që të mbajnë maska dhe që të mbajnë distancë sociale me qëllim të parandalimit të koronavirusit./arbresh.info/