Erion Braçe kërcënon: Nëse rihapen kazinotë unë largohem nga Qeveria

00:06 | 18 Nëntor 2020
Trina Galanxhi

Zv. kryeministri Erion Braçe ka deklaruar se nëse do të kthehen lojërat e fatit në vend do të largohet nga qeveria.

Në nje intervistë ne emisionin “Përballë”, Braçe deklaroi se qeveria nuk ka asnjë diskutim për hapjen e basteve ndërsa theksoi se ligji i vitit 2018 që lejon kazinotë por jo lojërat e fatit vijon të jetë në fuqi.

“Qeveria nuk ka asnjë diskutim për të hapur bastet. Ligji i 2018 është në fuqi dhe lejon kazinotë dhe jo lojërat e fatit.

Kemi lejuar që këto kazino te jenë në hotele me 5 yje. Ligji i 2018 ka lënë vetëm këtë me kërkesë të ministrit të Ekonomisë së asaj kohe.

Vetëm këtu. Nuk di unë që qeveria të ketë diskutuar për këtë pikë. Nuk ka më kthim prapa. Sepse nëse do ketë kthim prapa unë nuk jam më në qeveri.

Nuk i fal ata për atë shqetësim që më shkaktuan mua kur isha në Komisionin e Ekonomisë. Zonjat qëndruan deri në fund pavarësisht kërcënimeve”, u shpreh Braçe./lajmiifundit/

 

Shpërndaje në rrjete sociale

Lajmet më të lexuara

Të ngjashme

Foto lajm