Nënkryetari i PDK-së Memli Krasniqi ka folur sonte për kandidaturën e Ramush Haradinajt për president dhe votat hua që ai ia ka kërkuar PDK-së.

Krasniqi tha se është e pakuptimtë që Haradinaj del e kërkon vota te fqinjët kur nuk i ka në shtëpinë e tij, njofton Klan Kosova

“Ky koncepti i Haradinajt për vota hua për mua është i pakuptimtë. Sepse sikur të vepronim ne me vota hua duhet t’i themi Haradinajt të na i kthej votat e vitit 2017 kur e bëmë kryeministër”.

“Unë nuk e di përveç që e ka nominuar partia e tij që e mbështetë dikush tjetër për kandidat. Po kandidat i kujt është? Është kandidat i AAK-së apo është kandidat i koalicionit. Qysh del me lypë vota në fqinjë kur nuk i ke në shtëpi tënde njëherë. Unë i kam dëgjuar LDK-në dhe partitë tjera të koalicionit dhe asksuh nuk e ka mbështetë. Dhe qysh mundesh me kërku vota prej opozitës kir ende se ke asnjë votë të koalicionit”, tha Krasniqi.

Krasniqi mes tjerash tregoi se asnjëherë deri tani në Kryesinë e PDK-së nuk është diskutuar çështja e zgjedhjes së presidentit dhe e cilësoi si joetike mënyrën se si Haradinaj e ka nominuar veten për president që nga momenti kur Prokuroria e Hagës ka publikuar njoftimin për aktakuza.

“Kjo fazë nuk është e lehtë aspak për ne. Për ne është me rëndësi që ka mobizilim brenda strukturës së PDK-së që kanë gjetur forcën për të fuqizuar PDK-në”.

“Mandati i Thaçit kishte me kaluar në mars dhe do duhej të zgjidhej atëherë presidenti”, tha Krasniqi.