Google ADS

Pamje: Ramos turpërohet pasi i humb dy penallti radhazi kundër Zvicrës, përfshirë një panenka

08:25 | 15 Nëntor 2020
L G

Sergio Ramos ka dështuar dy herë radhazi nga penalltia në barazimin e Spanjës kundër Zvicrës të shtunën mbrëma në një ndeshje të Ligës së Kombeve.

Ramos po e bënte paraqitjen e 177-të rekorde duke u bërë lojtari evropian me më së shumti paraqitje për ekipin kombëtar, por ishte një ndeshje për t’u harruar, transmeton Gazeta Express.

Portieri Yann Sommer ia mbrojti penalltinë e parë 34-vjeçarit duke u hedhur në krahun e djathtë.

Në penalltinë e dytë, Ramos u përpoq të shënonte në stilin panenka, por dështoi dhe Sommer e priti topin në dorë.

Të dy penalltitë e humbura nga qendërmbrojtësi i Real Madridit ndodhën kur Spanja ishte duke humbur 1:0, pas golit të Remo Freulerit.

Por Spanja ia doli ta barazoi rezultatin falë golit të Gerard Morenos në minutën e 89-të, pas një harkimi nga Sergio Reguilon.

Shpërndaje në rrjete sociale

Lajmet më të lexuara

Të ngjashme

Foto lajm