Zëvendëskryeministri i parë i Kosovës, Besnik Tahiri, ka reaguar ndaj Shoqatës së Gastronomëve të Kosovës, të cilët dje kanë shpallur Qeverinë “Non Grata”, duke u zotuar se nuk do t’i shërbejnë asnjë anëtari të Qeverisë së Kosovës kafe, pasi nuk pajtohen me masat e fundit që kanë marrë kjo qeveri.
Ndryshe, Tahiri sot i ka ftuar ata për kafe në zyrën e tij, siç thoshte ai për t’ju sqaruar masat e reja të qeverisë, që do të hyjnë në zbatim gjatë ditë së nesërme (e premte), raporton arbresh.info.
Tahirit, sot i kanë shkuar në zyre përfaqësuesit e gastronomeve, kryetari i Shoqatës së Hotelerisë dhe Turizmit, Visar Demolli, i pranishëm me ta ishte edhe kryetari i Odës Ekonomike, Berat Rukiqi dhe kryetari i Odës Amerikane, Arian Zeka.
Takimi është mbajtur i mbyllur për media, ndërsa, pas takimit ata janë deklaruar duke thënë se masat që janë marrë nuk e kanë mbyllur ekonominë e Kosovës.
“Sot patëm një takim pune me kryetarët e odave ekonomike dhe amerikane e Përfaqësuesve të Hotelerisë dhe Turizmit. Vendimet e qeverisë nuk e kanë mbyllur ekonominë e Kosovës. Do të zotohem para qytetarëve të Kosovës, se Qeveria është një në raport me këtë sektor, është duke i zbatuar të gjitha masat”, ka thënë Tahiri.
Tahiri tha se situata nuk është e mirë me pandeminë, e ne po bëjmë sa më të mirën si qeveri.
Kryetari i Odës Amerikane të Kosovës, Arian Zeka, ka thënë se ky është takimi I dytë me zv.kryeministrin Tahiri.
“Ky është takimi i dytë me zv. kryeministrin Tahirin. Kemi hyrë në një fazë të bllokadës totale që është hasur në vështirësi të mëdha, por vendimi I qeverisë nuk është më i miri por është optimal. Pas një jave do të rishikojmë këto masa, e ne sot kemi shprehur sot kategorizimin e masave si të kuqe të verdha e të gjelbra”, ka thënë Zeka.
Ai ka shtuar se në emër të këtyre përfaqësuesve ne kemi propozuar të ketë ulje në tatimin mbi vlerën e shtuar si 08%, 18%, e kjo mund të bëhet lehtë me propozimin e ministres së Financave.
Ndërkaq lidhur me masat ka folur edhe këngëtari Afrim Muqiqi, duke thënë se kanë bërë kërkesë për lejimin e dasmave dhe ahengjeve.
“Kërkesa që në kemi propozuar të na mundësohet që ahengjet dhe sallat e dasmave të punojnë sikurse sektorët e tjerë”, ka thënë Muqiqi.
I pyetur se a do i bashkëngjitet protestës së këngëtarit Labinot Tahiri, ai është përgjigjur se më mirë është të ndiqet rruga institucionale sesa protesta./arbresh.info/
Nuk është Italia dhe as Spanja/ Ju prezantojmë me vendin e t...
Disa Lamborghini dhe vetura të tjera ‘të humbura prej kohësh...
Kuriozitete! Faktet që nuk dimë për muajin shtator
Çfarë çmimi mund të ketë Apple Ring dhe kur mund të lansohet...
Kurti u mirëprit nga bashkatdhetarë në New Jersey, u bëri ft...
Ndryshon data e protestës së parë kombëtare të opozitës në S...