Aksident në aksin Lushnje-Berat, lëndohen tre persona

23:01 | 11 Nëntor 2020
Arditë Shkodra

Një aksident i rëndë ka ndodhur në aksin nacional Lushnje Berat, ku mbetën të plagosur tre persona.

Aksidenti është shënuar në kilometrin e dytë të rrugës nacionale Lushnje-Berat, në afërsi të lagjes karbunare.

Një automjet tip volksvagen me targa AA271JI që udhëtonte drejt Lushnjes nga Berati është përplasur kokë më kokë me një automjet tip benz, me targa 573NT që udhëtonte në krahë të kundërt.

Si pasojë e përplasjes së fortë dy personat që udhëtonin në benz, si dhe drejtuesi i volksvagenit janë dëmtuar rëndë dhe janë nisur me urgjencë drejt spitalit të Lushnje, ku ndodhen nën kujdesin e mjekëve.

Policia ka mbërritur menjëherë në vendngjarje dhe po punon mbi zbardhjen e rrethanave.

Shpërndaje në rrjete sociale

Lajmet më të lexuara

Të ngjashme

Foto lajm