Në përputhje me vendimin e marrë nga kabineti presidencial për të frenuar përhapjen e koronavirusit të ri (COVID-19), ambientet e brendshme në të gjithë Turqinë, të tilla si kinematë dhe restorantet, duke filluar nga sonte do të punojnë me orar të shkurtuar duke u mbyllur në orën 22, transmeton Anadolu Agency (AA).
Ministria e Punëve të Brendshme njoftoi se vendimi vjen pas rritjes së rasteve të virusit, me propozim të Bordit Këshillimor Shkencor mbi COVID-19 dhe me udhëzimet e presidentit, Recep Tayyip Erdoğan në një përpjekje për të garantuar sigurinë e shëndetit dhe rendit publik.
Ndër objektet e detyruara për t’u mbyllur në orën 22 janë edhe qendrat tregtare, mjetet e mëdha të transportit, parqet, tregjet, restorantet, kafenetë, floktaritë, qendrat sportive, teatrot, kinematë dhe sallat e koncerteve në të gjitha 81 provincat e Turqisë.
Deri më tani, Turqia ka raportuar mbi 382 mijë raste të virusit, përfshirë pothuajse 329 mijë të shëruar dhe 10.481 viktima.
Që nga shfaqja për herë të parë dhjetorin e kaluar në Kinë, sipas të dhënave nga Universiteti “John Hopkins” me qendër në SHBA, në mbarë botën janë konfirmuar mbi 47.55 milionë raste me COVID-19, përfshirë afër 31.7 milionë të shëruar dhe mbi 1.21 milionë të vdekur.
Aktualisht, SHBA, India dhe Brazili janë vendet më të prekura nga pandemia.
Kuvendi pa kourum, mbi 50 projektligje rrezikojnë të kthehen...
Shefi i Pentagonit: SHBA kërkon nga Izraeli të reduktojë sul...
Arrestohet një person për grabitje në Graçanicë
Analistët në Serbi: Administrata e Trumpit, më aktive në dia...
Faulli i pamatur i Matthijs De Ligt ndaj Schade e la yllin e...
Arrestohen dy persona për vjedhje të rëndë të një veture në ...