Manchester City nuk ndalet në Ligën e Kampionëve, fiton si mysafir i Marseille

23:11 | 27 Tetor 2020
A. B.

Manchester City ka fituar ndaj Marseilles me rezultat të thellë 3-0 në kuadër të xhiros së dytë të fazës së grupeve në Ligën e Kampionëve.

Qytetarët e nisën ndeshjen në sulm, duke radhitur rastet para portës së francezëve.

Nuk vonoi shumë dhe erdhi edhe goli i epërsisë. Kevin De Bruyne asiston bukur te Ferran Torres, i cili nga afër shënon për 1-0.

Aymeric Laporte, De Bruyne dhe Oleksandr Zinchenko, kishin raste të mira për Cityn në pjesën e parë, por nuk arritën ta dyfishonin epërsinë.

Në pjesën e dytë Marseille rrezikoi me Florian Thauvin, por portieri ishte në vend.

Goli i sigurisë për anglezët erdhi në minutën e 76-të, kur Ilkay Gundogan shënoi për 2-0.

Në fund të ndeshjes kishte kohë që edhe Raheem Sterling të linte gjurmë në këtë ndeshje, kur shënoi për 3-0 pas asistimit të De Bruyne.

Me këtë fitore Manchester City ka gjashtë pikë nga dy ndeshje, ndërsa Marseille mbetet pa pikë. /Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm