Maqedoni: Instituti për Shëndet Publik do të bëjë 1000 testime në ditë për coronavirus

16:19 | 27 Tetor 2020
L G

Ministria e Shëndetësisë informon se në Institutin për Shëndet Publik prej sot është hapur edhe një pikë për testim për COVID-19, e cila pritet të përshpejtojë procedurat për marrje të mostrave për coronavirus.

Pika do të punojë çdo ditë nga ora 7:30 e mëngjesit deri në orën 14 të pasdites për të marrë mostra dhe nga ora 18:00 deri në orën 20:00 të për marrjen e rezultateve, përcjell Telegrafi Maqedoni.

“Hapja e pikës së re do të rrisë numrin e testeve në ditë dhe është planifikuar të kryhen deri në 1000 teste në ditë, që është rreth 150 teste më shumë se ato të mëparshmet”.

“Me këto teste shtesë, kapaciteti i testimit është rritur ndjeshëm dhe do të jetë e mundur të arrihet numër ditor deri në 2000 teste në institucionet shëndetësore publike”, thuhet në kumtesën nga Ministria e Shëndetësisë./Telegrafi/

Shpërndaje në rrjete sociale

Lajmet më të lexuara

Të ngjashme

Foto lajm