Shitja e letrës së tualetit dhe dezinfektuesve ka shënuar përsëri rritje në Gjermani, bëri të ditur zyra e statistikave të enjten, në kohën kur ekonomia më e madhe evropiane po përballet me valën e dytë të pandemisë.
Shitja e letrës së tualetit u rrit për 89.9 për qind javën e kaluar në krahasim me shkallën para krizës shëndetësore. Shitja e dezinfektuesve u rrit për 72.5 për qind, ndërsa shitja e sapunit për 62.3 për qind.
Gjermania është treguar më e suksesshme në kontrollimin e pandemisë sesa vendet e tjera të mëdha të Evropës si Britania dhe Franca, por numri i rasteve të reja është rritur vazhdimisht javëve të fundit.
Të enjten, Gjermania shënoi rekord të rasteve, me mbi 11.000 persona të diagnostikuar me Covid-19 për 24 orë, shkruan Reuters.
Sipas të dhënave të publikuara në prill, blerjet për rezerva të produkteve të përditshme para izolimit të paralajmëruar në pranverë kishin ndikuar që shitjet me pakicë të shkojnë në nivel shumë më të lartë se shkalla e parashikuar në shkurt.
SBASHK të hënën dorëzon nënshkrimet për Projektligjin për sk...
Kurti dhe Gërvalla takojnë në New York, Kardinalin Pietro Pa...
Rodri do t’i nënshtrohet një operimi në gju javën e ardhshme
Krasniqi për Ilmi Ilazin: Ishte shembull i përkushtimit dhe ...
Hezbollahu konfirmon vrasjen e liderit Hassan Nasrallah
Kuvendi i Malishevës miraton projekt buxhetin për vitin 2025