Shërbimi Korrektues i Kosovës bën të ditur se mbrëmë rreth orës 22:41 në Qendrën Korrektuese Dubravë, i burgosuri me inicialet V. H i lindur më 1991, është gjetur i vdekur si pasoj e vet-varjes.
SHKK thekson se me të kuptuar për rastin, i menjëhershëm ka qenë intervenimi i stafit korrektues dhe atij mjekësor të qendrës, por përkundër përpjekjeve për reanimim nuk kanë arritur të kthejnë në jetë dhe si pasojë i njëjti ka ndërruar jetë.
“Sipas Raportit Mjekësor të Stacionarit, i burgosuri V.H në vazhdimësi ka pasur probleme shëndetësore të natyrës mendore për çka është trajtuar në vazhdimësi nga mjeku i burgut, psikiatri, psikologu, si dhe nga specialistët e Klinikës Psikiatrike dhe asaj Forenzike”, thuhet në njoftim.
ShKK njofton se V.H ishte i dënuar për veprën penale “Lëndim i rëndë trupor” dhe “Vjedhje e rëndë”.
Lidhur me rastin janë njoftuar Policia e Kosovës dhe prokurori, ndërsa SHKK ka themeluar Komisioni Hetimor Administrativ.
“Stafi mjekësor i Stacionarit të Burgut të Dubravës ka përgatitur dokumentacionin e nevojshëm lidhur me rastin. Autopsia do të verifikoj shkakun e vdekjes”, thuhet në njoftim.
Arrestohen 15 persona për trafikim të klandestinës në Tiranë
Shmanget fatkeqësia, gurë mbi trasenë hekurudhore Prishtinë-...
Fillon sezoni i ngrohjes në Prishtinë, Rama: Ky rrjet ngrohj...
Sveçla: Inteligjenca artificiale mjet i fuqishëm në luftimin...
Mbappe akuzon ashpër PSG-në për lajme të rreme – përgjigjet ...
Kryediplomati hungarez: Shqipëria ka bërë progres, BE të mar...