Gazeta nacionale spanjolle, ABC, ka bërë komente raciste në raportin e saj për ndeshjen mes Barcelonës dhe Ferencvaros në Ligën e Kampionëve, duke e krahasuar Ansu Fatin me “shitës i rrugës zezak i cili ua mbath këmbëve sapo t’i shohë policët duke ardhur”.
Fati pati një mbrëmje tjetër mbresëlënëse në Ligën e Kampionëve të martën, duke shënuar në fitoren 5:1 të Barcelonës kundër klubit hungarez në Camp Nou, raporton Gazeta Express.
Në raportin e saj për takimin e së martës, ABC përdori gjuhë raciste dhe fyese ndaj adoleshentit spanjoll.
“Ansu ishte afër të shënonte me një goditje të një sulmuesi tipik, duke u rrokullisur në mënyrë të përkryer”, shkroi ABC në raportin e saj.
E përditshmja spanjolle pastaj përdori gjuhë fyese ndaj tij: “Ansu ka një ngjashmëri me gazelë kur vrapon. Ai duket si një shitës i rrugës zezak i ri në moshë, të cilin mund ta shohësh duke ia mbathur këmbëve në Paseo de Gracia (sheshin kryesor në Barcelonë) duke bërtitur ‘ujë, ujë’, kur t’i shohë policët duke ardhur”.
17-vjeçari është duke lënë mbresa të mëdha me paraqitjet e tij përkrah Lionel Messit në ekipin e parë të Barcelonës.
Ai ka zënë vend në sulmin e katalonasve pavarësisht konkurrencës së fortë nga Antoine Griezmann dhe Ousmane Dembele.
Formë të lartë Fati po tregon edhe për ekipin kombëtar të Spanjës.
Musliu -Shoshi kërkon futjen e Kosovës në agjendën për anëta...
Greqia sërish në luftë me zjarre masive vdekjeprurëse
Begaj e uron Rutten: Nën drejtimin e tij, NATO do të jetë nj...
Në krahasim me vitin e kaluar, në viti 2024 bie numri i aksi...
Kurti e uron Rutten për detyrën e re në krye të NATO-s
Aktakuzë për “Vrasje të rëndë” ndaj shtetasit sh...