Sulmuesi i armatosur merr peng disa persona në një bankë në Gjeorgji

19:41 | 21 Tetor 2020
Arbresh.info

Një sulmues i armatosur ka marrë peng disa njerëz në një bankë në qytetin perëndimor gjeorgjian të Zugdidi.

Ministria e Brendshme e Gjeorgjisë tha se kishte marrë raporte se një individ ishte futur në ndërtesë në 14:21 me kohën lokale të mërkurën, transmeton portali arbresh.info

Nuk është konfirmuar se sa njerëz janë marrë peng, ose çfarë kërkesash ka bërë sulmuesi.

Policia vulosi zonën menjëherë dhe nisi një operacion “për të neutralizuar sulmuesin”, tha ministria në një deklaratë.

Autoritetet qëndrojnë në vendin e ngjarjes dhe mund të shihen duke shoqëruar njerëzit larg nga banka.

“Ministria e Punëve të Brendshme po bën përpjekjet maksimale për të liruar pengjet dhe për të përfunduar operacionin policor në mënyrë paqësore dhe për të siguruar sigurinë e secilit qytetar, anëtar të komunitetit dhe oficer policie”, shtuan autoritetet.

Një hetim për marrjen e pengjeve gjithashtu ka filluar./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm