Raca është rritur për punë fizike, përkatësisht për grumbullim të objekteve në ujë, andaj, bashkë me retrieverët e artë, më së shpeshti shfrytëzohet në qëllime terapeutike dhe si qen udhëzues dhe qen kërkues.

Këta qenë të mrekullueshëm janë me natyrë të qetë, të ngrohtë dhe jashtëzakonisht miqësorë kanë një efekt shumë qetësues te njerëzit, janë jashtëzakonisht besnikë, inteligjentë dhe të lehtë për t’u stërvitur.

Më të lumturit janë kur janë në shoqëri të njeriut dhe janë shembull i vërtetë i konstatimit që qeni është qenia e vetme e cila ju do më shumë se veten.

Golden Retriever është i famshëm edhe për inteligjencën, besnikërinë, empatinë, durimin dhe elegancën, prandaj është kanakar ideal shtëpiak për familjet me fëmijë.

Me origjinë nga Britiania e Madhe, kjo racë shumë popullore, është regjistruar për herë të parë në vitin 1925.

Ata dashurojnë ujin, kanë instinkte perfekte për t’u përshtatur aty.

Lëkura e tyre është e mbuluar nga një shtresë me qime të dendura e të gjata, gjë që i ndihmon ata të rezistojnë ndaj të ftohtit dhe të mos e mbajnë ujin në lëkurë.

Janë të përshtatshëm për t’u mbajtur si në zona periferike apo rurale, ashtu dhe në mjedise urbane.

Pëlqen shumë ushqimin; mund të vuajë nga obeziteti sepse Retrieveri artë duket sikur nuk është kurrë i ngopur. Ai ushqehet sa herë që i jepet për të ngrënë.

Bën pjesë në kafshët me trup të madh dhe me një peshë që sillet 35-45 kg. Jetëgjatësia mesatare e kësaj race është 10-14 vjet.