Presidenti amerikan Donald Trump dhe sfiduesi i tij për Shtëpinë e Bardhë Joe Biden po grinden për planet për debatin e tyre të fundit televiziv.

Kampi i presidentit republikan akuzoi organizatorët e përballjes së kësaj jave se po ndihmojnë demokratin duke lënë jashtë politikën e jashtme si një temë.

Ndërsa, kampi i Biden u përgjigj se Trump po përpiqej të shmangte pyetjet në lidhje me përgjigjen e tij ndaj pandemisë së koronavirusit.

Vetëm dy javë para zgjedhjeve, Biden ka një epërsi komanduese në shkallë kombëtare në sondazhet e opinioneve.

Por ai ka një epërsi më të vogël në disa prej shteteve kryesore të SHBA-ve që përfundimisht do të vendosin rezultatin.

Të hënën, kampi i presidentit i dërgoi një letër Komisionit për Debatet Presidenciale duke bërë thirrje që temat të përshtaten për duelin përfundimtar të kësaj të enjteje.

Çfarë tha kampi i Trump?

Të hënën, kampi i presidentit i dërgoi një letër Komisionit për Debatet Presidenciale duke bërë thirrje që temat të përshtaten për duelin përfundimtar të kësaj të enjteje.

Menaxheri i fushatës së Trump Bill Stepien tha në letër se kampet kishin rënë dakord që politika e jashtme do të ishte fokusi i debatit të tretë.

Temat u njoftuan nga moderatorja dhe korrespondentja e NBC Neës Kristen Ëelker javën e kaluar: familjet amerikane, gara në Amerikë, ndryshimet klimatike, siguria kombëtare dhe lidershipi.

Si reagoi kampi i Biden?

Kampi i Demokratëve reagoi se ishte në të vërtetë Trump që po përpiqej t`i shmangej pyetjeve.

“Fushatat dhe Komisioni ranë dakord muaj më parë që moderatori i debatit do të zgjidhte temat,” tha sekretari kombëtar i shtypit TJ Ducklo.

Fushata Trump po gënjen për këtë tani sepse Donald Trump ka frikë të përballet me më shumë pyetje në lidhje me përgjigjen e tij shkatërrimtare Covid.

“Si zakonisht, presidenti është më i shqetësuar me rregullat e një debati sesa po pranon një komb ndihmën që i nevojitet në krizë”.