Ibrahimovic nuk e mendon pensionimin, synon rinovimin me AC Milan-in

12:09 | 19 Tetor 2020
Arbresh Info

Agjenti i Zlatan Ibrahimovic-it, Mino Raiola është duke punuar që t’ia rinovojë kontratën suedezit me klubin italian.

39-vjeçari nënshkroi kontratë njëvjeçare me “Rosonerët” në gusht, por sipas Corriere dello Sera, lojtari dëshiron të mos pensionohet dhe të vazhdojë të luajë, transmeton portali arbresh.info.

Ibrahimovic u shërua nga koronavirusi para një muaji dhe shënoi dy gola kundër Inter-it në derbin e të shtunës.

Thuhet se Raiola është duke punuar që t’ia rinovojë kontratën Ibrahimovic-it edhe për një edicion, meqenëse lojtari dëshiron pjesëmarrjen në Ligën e Kampionëve, qëllim që synon ta bëjë realitet Milan-i këtë edicion.

Vendimi nuk do merret para verës, por nëse skuadra e Stefano Pioli-t arrin kualifikimin, atëherë çdo gjë mund të ndodhë./arbresh.info.

Shpërndaje në rrjete sociale

Lajmet më të lexuara

Të ngjashme

Foto lajm