Kryeministri i Republikës së Kosovës, Avdullah Hoti, ka pritur sot përfaqësuesit e Aleancës Kosovare të Bizneseve, të udhëhequr nga kryetari i saj, Agim Shahini, i cili shoqërohej nga kryetarët e degëve të AKB-së që veprojnë në Gjermani, Austri, Itali, Zvicër dhe Çeki.
Me këtë rast, Kryeministri Hoti bisedoi me të pranishmit për gjendjen e përgjithshme ekonomike në vend, përkatësisht për mbështetjen e Qeverisë ndaj sektori privat, sidomos pas situatës së krijuar nga pandemia COVID-19.
Gjatë këtij takimi, Kryeministri Hoti theksoi se pret që Ligji për Rimëkëmbje Ekonomike do të miratohet edhe në lexim të dytë nga deputetët e Kuvendit të Kosovës, duke spikatur faktin se ky ligj është në funksion të së mirës së qytetarëve dhe bizneseve.
Ndërkaq, kryetari Shahini, bashkë me përfaqësuesit tjerë të AKB-së, pasi që falënderuan Kryeministrin Hoti për pritjen, theksuan se nismat e Qeverisë për rimëkëmbje ekonomike dhe mbështetja e vazhdueshme ndaj bizneseve është lajmi më i mirë për vendin./arbresh.info/
“Kosova Kosova” brohorasin kadetët dhe ushtarët amerikanë, O...
“Mirror”: Shqipëria, destinacioni më i kërkuar për pushime n...
Borrell zhvillon takim me liderët e Ballkanit Perëndimor të ...
Gërvalla në Takimin e Grave Ministre të Punëve të Jashtme në...
Policia jep detaje për vrasjen e Florim Zeqirit, rasti duke ...
Një i moshuar vdes në një kafiteri në Obiliq, policia nis he...