Kryetari i Kamenicës: Foshnjat e sapolindura do të mbështeten me 200 euro

22:01 | 13 Tetor 2020
Arditë Shkodra

Kryetari i Komunës së Kamenicës, Qëndron Kastrati ka njoftuar qytetarët e kësaj komune se do të ofrojë mbështetje financiare për foshnjat e porsalindura.

Kastrati këtë e ka bërë të ditur përmes një video të cilën e ka postuar në rrjetin social ‘Facebook’, shkruan arbresh.info

Ai ka bërë të ditur se tani e tutje çiftet do të subvencionohen me nga 200 euro si mbështetje për foshnjat e porsalindura.

Kryetari i komunës, Qëndron Kastrati ka thënë se lindja dhe rritja e fëmijëve është sfidë e përgjegjësi e madhe, andaj çiftet tani e tutje do të subvencionohen me nga 200 euro.

“Krijimi i familjes është një nga vendimet më të rëndësishme për çdo çift. Lindja dhe rritja e fëmijëve, është lumturi por edhe përgjegjësi e sfidë e madhe. Sa më të vështira kushtet ekonomike, aq më e madhe sfida. Prandaj, tani e tutje do të subvencionojmë çiftet me nga 200 euro si mbështetje për foshnjat e porsalindura”, ka shtuar Kastrati.

Gjeni videon më poshtë:

Shpërndaje në rrjete sociale

Lajmet më të lexuara

Të ngjashme

Foto lajm