Lajçak pas Kosovës do ta vizitojë edhe Serbinë

19:05 | 12 Tetor 2020
Arbresh.info

Përfaqësuesi Special i Bashkimit Evropian për dialogun e Kosovës dhe Serbisë, Miroslav Lajçak, do ta vizitojë të enjten Beogradin.

Media serbe Tanjug ka raportuar se vizita e tij do të jetë dy ditore.

Ndërkohë, Lajçak të dielën i ka kundërshtuar ata që po shprehen se tash nuk është koha e Asociacionit të Komunave me Shumicë Serbe.

“Kur, nëse jo tash? Vetë e keni nënshkruar marrëveshjen”, ka thënë ai në një intervistë për “Wienerzeitung”.

Ai ka komentuar procesin aktual të dialogut mes dy vendeve duke thënë se janë duke u diskutuar çështje të ndjeshme, për pronat dhe pretendimet financiare. Ka thënë se palët janë pajtuar që të flasin edhe për të pagjeturit dhe të zhvendosurit si dhe për bashkëpunimin ekonomik.

Çështja e Asociacionit është temë që po kërkohet me ngulm të diskutohet nga pala serbe. Ndërsa për Kosovën po konsiderohet “temë e mbyllur”.

Shpërndaje në rrjete sociale

Lajmet më të lexuara

Të ngjashme

Foto lajm