Kryeministri i Kosovës, Avdullah Hoti, sot zhvilloi një takim me ministrin e Punëve të Jashtme të Greqisë, Nikos Dendias.
Takimi mes Hoti e Dendias u bë pa praninë e mediave, shkruan Arbresh.info.
Por Hoti nuk e lëshoi duar thatë shefin e diplomacisë greke.
Ai i dha një pende si dhuratë për të, shkruan Arbresh.info.
E duar thatë nuk kishe ardhur as greku pasi i dha një dhuratë shefi te qeverisë.
Ky është njoftimi i plotë zyra e kryeministrit
Kryeministri i Republikës së Kosovës, Avdullah Hoti, ka pritur sot ministrin e Punëve të Jashtme të Greqisë, Nikos Dendias, me të cilin ka diskutuar për zhvillimet politike në vend, thellimin e bashkëpunimit ndërmjet dy vendeve, kryesisht në fushën ekonomike, si dhe procesin e dialogut final ndërmjet Republikës së Kosovës dhe asaj të Serbisë, i cili duhet të përfundojë me njohje reciproke.
“Roli mbështetës i Greqisë për Kosovën është tepër i rëndësishëm, ngaqë është vend anëtar i BE-së dhe NATO-s, organizata këto që Kosova aspiron të jetë pjesë e tyre”, tha kryeministri Hoti.
Po ashtu, kryeministri Hoti dhe ministri Dendias u zotuan në thellimin e bashkëpunimit ekonomik ndërmjet Kosovës dhe Greqisë, me theks të veçantë në fushën e energjisë.
Ministri Dendias, duke e falënderuar kryeministrin Hoti për pritjen, theksoi se Greqia mbetet e përkushtuar që ta ndihmojë Kosovën në rrugëtimin e saj euro-atlantik, si dhe në begatimin e mëtejmë të bashkëpunimit ekonomik ndërmjet dy vendeve.
Ministri i Jashtëm turk konfirmon vdekjen e Fetullah Gulen
Arrestohet në Gjilan 37-vjeçari i dyshuar për rrëmbim
Specialja lejon dorëzimin e parashtrimeve për Mustafën nga m...
Çeku dhe homologu i tij bullgar nënshkruajnë marrëveshjen pë...
Arrestohet ish-presidenti shqiptar, Ilir Meta
Kurti pret sot në takim ndihmës sekretarin amerikan, James O...