Maqedonia e Veriut e ka mposhtur përfaqësuesën e Kosovës me rezultat të ngushtë 2-1 në stadiumin ‘Tose Proeski’ në Shkup.

Ndeshja e cila u shikua nga shumë shqiptarë, u ndoq me interes edhe nga figurat publike, shkruan portali arbresh.info

Këngëtari Blero njëherit edhe futbolldashësi më i madh, pas rezultatit, shprehu revoltën e tij me trajnerin e Përfaqësueses së Kosovës, për neglizhencën e futbollistit Bernard Berisha, të cilin nuk e ftoi të ishte pjesë e lojës.

“Është e papranueshme. Valon Berisha sonte e la zemrën në fushë, ju tjerët merrni shembull! Ju dua të gjithëve, ju e dini por jam shumë i zhgënjyer me pjesën e dytë të lojës.

Mendoj që Bernard Challandes duhet të japë dorëheqje! Për shumë arsyem e një ndër to është Bernard Berisha. Bernard Challandes ka probleme psikike haveri, duhet urgjentisht dorëheqje. Faleminderit Bernard po e kallëzove veten me Bernard Berishën që je komplet idiot”, ka shkruar këngëtari në InstaStory.

Kjo humbje bëri që Kosova të humb çdo gjasë për kualifikim në Euro 2020. /arbresh.info/