Ambasadori i Gjermanisë në Kosovë, Jorn Rohde, është shprehur i trishtuar për mosvotimin e Projektligjit për Rimëkëmbje Ekonomikë, për herë të gjashtë në Kuvendin e Kosovës.

Rohde përmes një postimi në Twitter ka pyetur Qeverinë e Kosovës se a kanë në plan për kompromis me opozitën.

“I trishtuar kur dëgjova se në seancën e sotme të kuvendit Projektligji i Rimëkëmbjes Ekonomike nuk kaloi për herë të 6-të. Ku është plani i Qeverisë për të krijuar një kompromis me opozitën? “, pyeti ai në Twitter.

Sot Kuvendi i Kosovës nuk ka arritur as për të gjashtën herë që të votojë në parim Projektligjin për Rimëkëmbjen Ekonomike – COVID-19. Vetëm 58 deputetë kanë marrë pjesë në votim. Kuvendi i Kosovës për të disatën herë po tenton që këtë projektligj ta kalojë në Kuvend por nuk po arrin të marrë mbështetjen e deputetëve.

https://twitter.com/GermanAmbKOS/status/1314188641913180160?ref_src=twsrc%5Etfw%7Ctwcamp%5Etweetembed%7Ctwterm%5E1314188641913180160%7Ctwgr%5Eshare_3&ref_url=https%3A%2F%2Fwww.koha.net%2Farberi%2F240576%2Fambasadori-gjerman-pyet-qeverine-ku-eshte-plani-per-kompromis-me-opoziten%2F