Ekipi kombëtar i Kosovës do të udhëtojë mëngjesin e sotëm drejt Shkupit, para takimit vendimtar kualifikues për Kampionatin Evropian 2020 kundër shtetit fqinj, Maqedonisë së Veriut të enjten.
Kosova është mysafire e Maqedonisë së Veriut në Arenën Kombëtare Todor Proeski, në një ndeshje gjysmëfinale të play-off’it për pjesëmarrje në Euro 2020 që mbahet verën e vitit të ardhshëm.
Fituesi i këtij takimi përballet me fituesin e takimit Bjellorusi – Gjeorgji në finalen e nëntorit.
Kombëtarja verdhekaltër është në kërkim të pjesëmarrjes së parë historike në një kampionat evropian, njëlloj si shteti i vet fqinj, vetëm katër vjet pas pranimit në UEFA dhe FIFA.
Kontingjenti i Kosovës do të nisët drejt Shkupit sot para drekës dhe do ta mbajë një stërvitje të fundit në Todor Proeski këtë mbrëmje, para ndeshjes së enjtes në orën 20:45.
Trajneri i Kosovës, Bernard Challandes, përballet me shumë mungesa, përfshirë lojtarët kyçë si Vedat Muriqi, Milot Rashica, kapiteni Amir Rrahmani, Hekuran Kryeziu dhe Besar Halimi.
Challandes e grumbulloi ekipit të hënën dhe i kreu disa stërvitje në stadiumin e Prishtinës Fadil Vokrri para udhëtimit drejt shtetit fqinj. /Gazeta Express/
Osteoporoza, shtohet një tjetër faktor rreziku
A kërcënohet demokracia pas zgjedhjeve në Austri?
“Mjeshtri” Flick brenda katër ditëve deklasoi Bayernin dhe R...
“Flas me gjethen” nga Endrit Krasniqi, shpallet kënga fitues...
ShBA pritet t`i shesë Tajvanit armatime të reja
Si të dini që mashkulli dëshiron vetëm flirt: Gjuha e trupit...