Google ADS

Në shenjë solidarizimi gratë që përballen me kancerin e gjirit, Kuvendi ndriçohet me ngjyrë rozë

22:29 | 5 Tetor 2020
L G

Në kuadër të muajit kundër kancerit të gjirit, ndërtesa e Kuvendit të Kosovës sonte është ndriçuar me ngjyrë rozë, në shenjë solidarizimi me nënat, gratë dhe vajzat që përballen me këtë sëmundje të rrezikshme.

Kryetarja e Kuvendit, Vjosa Osmani me këtë rast ka kërkuar nga institucionet përgjegjëse t’i shtojnë kapacitetet për diagnostikim dhe trajtim të kancerit të gjirit, duke thënë se detektimi i hershëm shpëton jetë.

“Për t’i kujtuar ato që na lanë dhe për t’i inkurajuar edhe më tej ato që ngadhënjyen në këtë sfidë. Rrëfimi i tyre duhet të jetë mësimi më i mirë për rëndësinë e diagnostikimit të hershëm. Kanceri i gjirit është një nga sëmundjet më të shpeshta te gratë, andaj është jetike të rritet vetëdija qytetare dhe të praktikohet kontrolli te mjeku. Njëkohësisht, institucionet përgjegjëse duhet t’i rrisin kapacitetet për diagnostikim dhe trajtim të sëmundjes. Detektimi i hershëm shpëton jetë”, ka shkruar Osmani.

Postimi i plotë:

Shpërndaje në rrjete sociale

Lajmet më të lexuara

Të ngjashme

Foto lajm