Britania shënon mbi 12,000 raste të koronavirusit për 24 orë

09:41 | 4 Tetor 2020
L G

Mbretëria e Bashkuar ka regjistruar më shumë se 12,000 raste të reja të koronavirusit për herë të parë që nga fillimi i testimeve masive.

Më saktësisht, gjatë 24 orëve të kaluara në këtë shtet u regjistruan 12,872 raste të reja të personave të infektuar dhe 49 persona vdiqën brenda 28 ditëve të infektimit, shkruan BBC, transmeton Gazeta Express.

Rritja e numrit ditor të rasteve ishte e dukshme nga e hëna, kur u shënuan 4,044 raste, në të martën, kur u regjistruan 7,143 raste.

Shifrat e së shtunës e çojnë në 480,017 numrin e përgjithshëm të personave të infektuar në Britani, që është një ndër më të lartit në Evropë.

Ditëve të fundit, me rritje të numrit të rasteve po përballen edhe vendet tjera evropiane. Në të njëjtën ditë, në Francë u shënua rekord prej 16,972 rasteve për 24 orë.

Shpërndaje në rrjete sociale

Lajmet më të lexuara

Të ngjashme

Foto lajm